Lærarabók til "Ferð á Føroyskt" á prenti
Bókin fevnir nú eisini um ein umfatandi innleiðslupart við nágreiniligari kunning um tilgongdina í bókaheildini, annaðmálsdidaktikk og aðra viðkomandi kunning.
Prentaða bókin er eitt hent amboð hjá læraranum at hava við hondina í undirvísingini. Hon hevur spiralrygg og fyllir tí minni í hondini enn ein opin bók. Tað ger hana eisini nýtiligari.
Lærarabók 1 fevnir um partarnar Innleiðsla, Stig fyri stig vegleiðing, Kortini mynd og orð, Avritssíður við hópin av eyka uppgávum til næmingarnar og Amboðskassi við hugskotum til alskyns spøl og aktivitetir. Eisini er ein roynd eftir hvønn kapittul.
Lærarabók 1 hoyrir til bókaheildina Ferð á føroyskt – sum annaðmál, sum er undirvísingartilfar til føroyskt sum annaðmál. Tilfarið er ætlað næmingum í 4./5. flokki og uppeftir, umframt vaksnum, ið tosa annað mál enn føroyskt, og sum frammanundan hava lært at lesa við latínskum bókstavum. Bókaheildin fevnir um Grundbók, Arbeiðsbók, Orðahefti, ljóðfílur, Svarlista og Lærarabók.
