Søvn og útlán

Nám hevur savn við nýggjum undirvísingartilfari, sum verður sýnt fram á 300 fermetrum á Hoyvíksvegi 72. Savnið fevnir um føroyskt og útlendskt tilfar, sum er til kunningar, til útlán og til íblástur.

Í útláninum eru flokssett, ljóðbøkur, lesiskeið og evnis- og lesikassar. Úr fjølbroytta savninum hava lærarar og skúlar møguleika at lána ískoytistilfar til undirvísingina. Filmar, sjónvarpssendingar og e-bøkur kunnu lánast í netskipanini mitCFU. 

Flokssettini eru fagurbókmentir á føroyskum, donskum, enskum. Eisini eru flokssett við føroyskum yrkisbókmentum.  Tær allarflestu ljóðbøkurnar, sum verða útgivnar í Føroyum, fáast til láns hjá Námi.

Til ber eisini at lána evnis- og lesikassar við tilfari um ávís evni so sum um søguligar persónar, fremmand lond og djór. Eisini eru lesikassar skipaðir í floks- ella torleikastig at nýta til frílesing ella til lesiátak í skúlanum.

Harumframt eru fakligar handbøkur um námsfrøði og sálarfrøði til útláns og eitt úrval av nýggjum undirvísingartilfari, sum lærarin kann kunna seg við.