Skip to main content

Jólagáva til tey kvæðaáhugaðu

15.12.2021

Teksturin í bókarøðini Søga og stev eftir Árna Dahl er nú á Snar.

Søga og stev á Snar »»

Forlagið Fannir gav árini frá 1996 til 2000 út seks bøkur í røðini Søga og stev. Røðin byggir á tær útvarpssendingar, um hundrað í tali, sum Árni Dahl - frá nýggjári til føstulávint - hevði í Útvarpi Føroya árini 1990-1999.

Í høvuðsheitum er røðin flokkað soleiðis:

 

1. bind:

Kvæði, ið yrkt eru í 20. øld beinleiðis eftir føroyskum sagnum, men her eru eisini onnur kvæði – bæði eldri og yngri.

 

2. bind:

Danskar vísur, ið havi verið nógv á gólvi í Føroyum. Viðvíkjandi flestu teirra finst søguligi upprunin afturi í 13. øld, men her eru eisini vísur bæði við eldri og yngri søgutilfari eisini.

 

3. bind:

Kvæði, sum yrkt eru eftir íslendingasøgum ella kongssøgum, sum eisini hava uppruna sín í Íslandi

 

4. bind:

Kvæði og danskar vísur um tey bæði Hábarð og Signu (Hafburd og Signelille) og eisini kvæði og danskar vísur um Tíðrik úr Bern (Stærke Tidrik) og hansara kappar. Meginheimildin til fyrru søguna er danski søguskrivarin Saxo grammaticus (o.u. 1150 – 1220) og verk hansara “Gesta Danorum”. Til seinnu søguna er “Tíðriks søga” (um 1250) høvuðsheimild.

 

5. bind:

Hetta bindið viðger tættir burturav. Elstu tættirnir, ið varðveittir eru, eru frá um 1750. Kendastu teirra verða viðgjørdir.

Um ár 1800 yrkti Nólsoyar Páll (1766-1809) tættir sínar. Nakrir teirra verða viðgjørdir her. Eisini verður høvuðstátturin hjá hinum stóra táttayrkjaranum frá hesum tíðarskeiði, Jens Christani Djurhuus, Sjóvarbóndanum (1773-1853) viðgjørdur.

Men táttayrkingin doyði ongantíð burtur, og í bókini eru dømi um yngri tættir, sum eru yrktir um aldaskiftið 1900 og nakað seinni.

 

6. bind:

Í høvuðsheitum kvæði úr sætta bindi av “Føroya kvæðum” við blandaðum innihaldi, “Balladen gemischten Inhalts”, sum ritstjórin á CCF tekur til í innganginum.

Dentur hevur verið lagdur á at fáa fram nøkur kvæði her, sum bara eru at finna í Føroyum.

Søga og stev á Snar »»

 


Árni Dahl hevur við játtan frá Mentamálaráðnum staðið fyri at gera kvæðini í røðini “Søga og stev” 1 - 6 til talgildan tekst.

Kvæðini eru sett upp bók fyri bók.

 

Onnur tíðindi

17.01.2022

Síðan sum æt ‘Bókmentauppgávur’ er skipað av…

Les meira
06.01.2022

Avgerð er tikin um at avlýsa Læraradagin, sum…

Les meira
05.01.2022

Nám sóknast eftir tveimum starvsfólkum til…

Les meira
04.01.2022

Hevur tú hug at tjena nakrar krónur við síðuna av…

Les meira
21.12.2021

Andlitskappingin hevur verið í novembur og inn…

Les meira
15.12.2021

Hanna Ziskason Hansen er sett í starv sum…

Les meira
15.12.2021

Teksturin í bókarøðini Søga og stev eftir Árna…

Les meira
08.12.2021

Vegna støðuna við koronu og omikron verður…

Les meira
07.12.2021

Næmingar úr T1A í Tekniska skúla í Klaksvík vunnu…

Les meira
19.11.2021

Søkt verður eftir dugnaligum, ágrýtnum og…

Les meira