Føroyar lesa høvuðsevnið á læraradegnum
Lesing
Í døgunum 9., 10. og 11. november verða læraradagar í Norðurlandahúsinum. Fyriskipari er Nám.
Høvuðsevnið er lesing, og er hetta framhald av verkætlanini Føroyar lesa, sum fór av bakkastokki í august 2020.
Skráin er tann sama allar tríggar dagarnar. Hon er rættiliga fjølbroytt og tryggjar, at einstaki lærarin kennir seg og sínar lærugreinar aftur og fær brúkt innihaldið í degnum sum íblástur og víðari menning. Talan er um tríggjar høvuðsfyrilestrar, sum eru ætlaðir øllum luttakarunum, og fimm verkstovur/fyrilestrar, sum einstaki lærarin velur ímillum.
Niðanfyri er skráin við kunning um fyrilestrar, verkstovur og framløgur.
Vinaliga setið tykkum í samband við Nám, um spurningar ella ivamál eru. Tit kunnu ringja ella skriva beinleiðis til Dorthe Pedersen, 555175 ella dorthe@nam.fo.
Læraradagur 2021
