Skip to main content

Vanlig orð á gólvið

20.05.2022

Gunvá Magnusen, ritstjóri í Námi, sigur, at í nógv ár hava lærarar tosað um, hvørji tey mest vanligu orðini munnu vera í innlæringini.

- Nú var møguleikin at gera nakað ítøkiligt við júst hetta, við støði í okkara egnu bók, Finku, sigur Gunvá.

- Tað er ikki granskað í føroyska málinum, hvørji orð verða mest brúkt. Tí gjørdu vit av at velja vanligastu orðini í móðurmálsbókini Finku, sum er til annan flokk. Tí bleiv heitið Vanlig orð, sigur Gunvá.

Tað eru seks opnur við orðum í bókini, har tey mest vanligu eru fyrst. Tvær arbeiðsbøkur eru gjørdar til Vanlig orð opnurnar, ein til Vanlig orð 1-3 og ein til Vanlig orð 4-6.

- Umframt tað, hava vit gjørt nøkur orðakort, ella eitt orðaspæl, at klistra á gólvið við teimum 116 orðunum, sum høvundurin, Marianna Skarðenni Poulsen, hevur funnið fram til, eru tey mest vanligu í Finku.

Um orsøkina til nýggju søluvøruna, sum sjónliga fer út um bókaopnuna, sigur Gunvá, at tað vóru skúlaleiðslur, sum vildu gera okkurt visuelt spennandi tilfar til gólvini í skúlunum.

- Hugsanin var at gera okkurt, sum kundi vísa farleiðina gjøgnum trappur og gongir, og samstundis vera áhugavert at hyggja at ella lesa. Tilfarið er úr okkara bókum, og vit vilja heldur enn fegin geva móðurmálstilfarinum hetta nýggja lív og flog. Úrslitið bleiv, at vit hava gjørt Vanlig orð, bókstavaraðið og tølini, sigur Gunvá, og greiðir frá, hvussu tilfarið kann brúkast.

- Hugsanin við Vanligum orðum er, at næmingarnir kunnu røra seg, meðan tey læra orð og setningar. Tey kunnu fara at leita eftir orðum og setningum á gólvinum líka so væl sum í bókini. Orð og setningar kunnu lærast ígjøgnum spæl, til dømis minnisspæl. Vit ímynda okkum, at bæði næmingar og lærarar skjótt finna uppá ymisk spøl, sum tey kunnu brúka júst á teirra skúla. Tað er ikki ókent, at bæði børn og lærarar duga væl at finna uppá. Og kunnu vit bøta um upplivingarmøguleikarnar við nýggjum lærumøguleikum, so er tað frálíkt.

Finka er gjørd til undirvísing í føroyskum í øðrum flokki, men hóast tað, kunnu øll brúka Vanlig orð. Tað ber til ígjøgnum spæl at hava ymisk torleikastig, og skuldi onkur havt hug at brúkt Vanlig orð í sambandi við at skriva fyrisøgn við eldru næmingunum, so ber tað eisini til.

- Tað kann eisini vera, at lesivegleiðarar fáa brúkt Vanlig orð í sínari frálæru. Og kanska er hetta eisini hent hjá teimum, sum skulu læra seg føroyskt, sigur Gunvá.

Onnur tíðindi

17.06.2022

Nú er klárt at tekna seg til skeiðini, sum verða í…

Les meira
02.06.2022

Í 1993 kom fyrsta føroyska atlas ”Heimsatlas”. Tá…

Les meira
30.05.2022

Søkt verður eftir framskygdum deildarleiðara til…

Les meira
20.05.2022

Gunvá Magnusen, ritstjóri í Námi, sigur, at í nógv…

Les meira
18.05.2022

Til munnligu próvtøkuna í fólkaskúlanum í 2022…

Les meira
16.05.2022

Redaktiónin á undirvísingaportalinum Snar hevur…

Les meira
Mynd: Ólavur Frederiksen - Faroeohoto
27.04.2022

Vísindavøkan 2022 verður hildin í Løkshøll í…

Les meira
20.04.2022

Próvstovan/Nám leitar eftir 4 lesandi í…

Les meira
08.04.2022

Hósdagin 7. apríl, fekk landsstýrismaðurin handað…

Les meira
06.04.2022

Seinasta mánaðin hava 670 næmingar í níggjunda…

Les meira