Tilfar um orðaflokkarnar
Tað eru Gunvør Højgaard og Osvald Jacobsen, sum hava skrivað og teknað. Bókin er 28 síður, og hvør orðaflokkur verður lýstur við frágreiðingum, myndum og dømum. Aftrat bókini eru eisini myndakort í A4-stødd at heingja á veggin, so hvørt arbeitt verður við hvørjum orðaflokki.
Orðaflokkarnir er ein stutt og greið yvirlitslýsing av hvørjum orðaflokki sær. Myndirnar við dømum gera tað lættari at fata frágreiðingarnar, sum eru stuttar og greiðar. Aftast í bókini er eitt yvirlit, sum vísir, hvussu orðaflokkarnir eita á føroyskum, latíni, donskum og enskum. Eisini er føroyska, danska og enska stavraðið við, og hvussu tøl verða skrivað.
Bókin Orðaflokkarnir hóskar til innleiðslu um orðaflokkarnar, tí hon er einføld og greið og snýr seg um høvuðsdrøgini.
