Durita Eldevig Olsen hevur týtt og tillagað vøkru, litríku bøkurnar, og Gunvá Magnussen og Marjun Ziskason hava ritstjórnað. 

Í Enskt 4 venja næmingarnir at samskifta á ymsum pallum. Støðið á tekstunum hækkar ígjøgnum bókina, tekstirnir hóska til aldurin og hava evni, sum gera tað lætt at læra enskt.  

Í Enskt 4 Textbook eru:

• næmingavinarlig evni
• somu inngangir í hvørjum evni
• næmingalagaðir tekstir og uppgávur á trimum torleikastigum
• litríkar og stuðlandi myndir
• Bæði tekstir og myndir geva íblástur at lesa meira og at tosa saman á enskum.

Í Enskt 4 Workbook eru:

• ymsar uppgávur knýttar at evnunum og tekstunum í lesibókini
• mállærusíður við reglum og uppgávum

Í Enskt 4 Læraravegleiðingini er: 

• ein stuttur, greiður innleiðandi partur til hvønn kapittul
• ein gjølla skipaður partur við ábendingum og hugskotum
• avrit av øllum síðunum í lesibókini, og hvussu tit kunnu arbeiða við ávísu síðunum
• avrit av øllum síðunum í arbeiðsbókini, og hvussu tit kunnu arbeiða við ávísu síðunum