Stuttfilmskapping um vatn
13.06.2024
Nám hevur fleiri ferðir skipað fyri stuttfilmskappingum við støði í heimsmálunum hjá ST fyri burðardyggari menning. Luttøkan hevur verið stak góð, og í heyst verður so aftur skipað fyri stuttfilmskapping.
Hesaferð verður støði tikið í heimsmáli nummar seks, sum er reint vatn og reinføri. Kappingin er fyri flokkar og bólkar í hádeild fólkaskúlans og á miðnámi.
Ein vinningur áljóðandi 30.000 kr. verður latin vinnaranum.
Lesið meira um heimsmálini hjá ST og hyggið eftir filmum frá undanfarnum kappingum.
