Henda bók er ætlað 1. árs-lesandi á Søgu- og samfelagsdeildini á Fróðskaparsetrinum og øðrum, ið tørva eina innleiðslu til evnið. Stjórnmálafrøði er lærugreinin um politiskt virksemi: um stýrisskipanir og politiskar tilgongdir, um politiskar hugsjónir og um vald at seta politisku kósina og stýra.

Bókin greiðir í stuttum frá høvuðsrákum í politiskari gransking. Kjarnuhugtøk verða lýst, og víst verður á ymiskar orsakir til politiskar trupulleikar. Politikarar, tíðindafólk o.o. brúka hesi hugtøk, og tey halda seg ofta til felags fatanarkarmar.

Grundvøllurin í einum fólkaræði er politiskt kjak, men viðhvørt kann tað vera ein avbjóðing at skilja og meta um dagsins fløktu politisku støðu. Henda innleiðslubók gevur eina fatan av málburði og ymiskum hugsanarháttum í politikki.