Skip to main content

Nýggj bók til tey grønmetisáhugaðu

12.03.2024

Í sBókini Plantur til matna eru meira enn 150 grønmetissløg umrødd, sum kunnnu vaksa úti í Føroyum.

Bókin Plantur til matna er ætlað sum frálærutilfar til at menna eina føroyska grønmetisframleiðslu, bæði vinnuliga og til heimabrúk. Bókin verður í fyrstu syftu løgd ókeypis út á sBókapallin hjá Námi.

 

Tróndur G. Leivsson, stjóri á Búnaðarstovuni skrivar um bókina:

Útgávan Plantur til matna er úrslit av eini verkætlan, ið Búnaðarstovan, í samstarvi við NÁM og Siggu Rasmussen, høvund, tók stig til á vári í 2022.

Umsókn um fígging av verkætlanini varð send Umhvørvis- og vinnumálaráðnum í 2022, og valdi táverandi landsstýrismaður í landbúnaðarmálum, Magnus Rasmussen, at játta verkætlanini fígging av kontuni fyri stuðul til menning á landbúnaðarøkinum.

Tað er tí ein gleði hjá verkætlanarbólkinum at kvitta fyri álitið við at leggja hesa sBókina um grønmetisdyrking í Føroyum fram nú.

Búnaðarstovan staðfesti longu í 2017 ein grundleggjandi tørv á frálærutilfari innan evnið grønmetisdyrking her á landi, men ta ferðina bar ikki á mál við ætlanini. Drúgt er tað, ið drýpur, verður tikið til, og soleiðis er eisini í hesum føri.

Hóast frálærutilfar um grønmetisdyrking er at finna í okkara grannalondum, er tørvurin tó stórur á frálærutilfari á føroyskum, og sum somuleiðis hevur kjølfesti í okkara egnu vakstrarlíkindum, bæði viðvíkjandi jørðildi og veðri, eins og umstøðum annars.

Frá Búnaðarstovunnar síðu eru vit stak væl nøgd við, at Sigga Rasmussen, cand. hort., vildi taka uppgávuna á seg sum rithøvundur til hendan bóklingin.

Við sínum fakliga ástøði, sínum drúgvu royndum við gróðri í Føroyum, eins og hollu royndum frá undirvísing í plantufrøði m.a. á Fróðskaparsetrinum, fingust valla betri førleikar til at flyta hesa vitan inn í ein føroyskan samanhang.

 

sBókin verður sýnd fram og umrødd á útgávutiltaki í Námi hósdagin 21. mars klokkan 17:00.

 

Øll eru vælkomin.

Onnur tíðindi

18.07.2025

Fýra roknibøkur til forskúla og byrjanardeild

Les meira
14.07.2025

Plakat – Tá ið næmingur úr øðrum landi kemur í…

Les meira
Støddfrøði 9 - Grundbók
14.07.2025

Nú er komið á mál við grundbókunum í…

Les meira
10.07.2025

Dagførdar námsætlanir og leiðbeiningar koma í…

Les meira
08.07.2025

Nú kanst tú lesa nógv kend og kanska minni kend…

Les meira
04.07.2025

Norðuratlantisk lond savnaðust fyri fyrstu ferð…

Les meira
18.06.2025

Tað hevur manglað leingi, og nú er tað endiliga…

Les meira
12.06.2025

Nám umsitur nú Vitanarfróðu.

Les meira
28.05.2025

Skeiðstilmeldingin er latin upp.

Les meira
22.05.2025

Nú ber til hjá 5. flokkum og eldri at tekna seg…

Les meira