Næmingar á 9. floksstigi skulu á sumri í 2026 á fyrsta sinni til próvtøku eftir nýggju námsætlanum í føroyskum og donskum, sum komu í gildi í august 2023. Í hesum sambandi eru dømi um próvtøkuuppgávur løgd út til skúlar og lærarar at brúka, t.d. í royndum.

Talan er um próvtøkudømi bæði til fyrra og seinna partin í skrivligu próvtøkuni á 9. floksstigi.

Tilfarið liggur á námsætlanarsíðunum hjá lærugreinunum føroyskum og donskum í teiginum “Til próvtøkur”.

Eru ivamál, ber til at venda sær til Nám ella Próvstovuna.