Nú kunnu føroyskir næmingar fáa ókeypis atgongd til Canva for Education – eitt snilt og hent amboð at gera plakatir, framløgur, myndir og annað kreativt tilfar til skúlan. 

Jóhannes Mikkelsen skrivar soleiðis um hetta á Teams:

NÝTT: Lærarar og næmingar hava atgongd til Canva for Education

Góðu tit

Vónandi hava tit havt eina góða summarfrítíð og eru tit úthvíld og spent at fara til verka aftur 

Sum nakað nýtt hetta skúlaárið ber til hjá bæði lærarum og næmingum at rita inn á www.canva.com við sínum @skulin.fo telduposti, og harvið fáa ókeypis atgongd til nettænastuna Canva for Education.

Canva  er eitt sera væl dámt, nógv brúkt og brúkaravinarligt amboð, sum serliga kann brúkast til kreativt arbeiði við sniðgeving og skapan av ymiskum - eitt nú av undirvísingartilfari, framløgum, faldarum, plakatum og myndasamklippum (myndakollagum). 

Soleiðis ritar tú inn á Canva:

1. Far inn á www.canva.com
2. Trýst á "Log på"
3. Vel "Fortsæt med e-mail"
4. Rita inn við tínum @skulin.fo telduposti og loyniorði