Útgávumannagongd
Allar útgávur hjá Námi eru ætlaðar undirvísingarverkinum.
Útgávurnar eru skipaðar sum heildir og fevna vanliga um grundbók, arbeiðsbók, læraravegleiðing og annað ískoyitstilfar. Umframt hetta er talgilt tilfar á Snar.
Grundsjónarmiðið er, at samlaða tilfarið skal røkka alt virkisøkið í lærugreinini og tryggja, at náms- og lesiætlanir eru fylgdar og øll krøv eru lokin.
Tá ein bókaheild verður sett í verk kanna leiðarin í bókatoyminum, ritstjórin og fakráðgevar námsætlanina og fáa til vega nýggjastu útgávur í lærugreinini úr grannalondum okkara.
Hugaroksfundur er fyri lærarar, ið hava undirvíst í lærugreinini í fleiri ár, og sum flest allir eisini hava lærugreinina sum linjufak.
Síðani fær ritstjórin endaligu ábyrgdina av útgávuni og í samráð við toymisleiðaran verður rithøvundur ella týðari settur at skriva tilfarið. Somuleiðis verður ein stuðulsbólkur av lærarum settur at viðgera, og í so stóran mun sum gjørligt royna tilfarið úti á skúlunum.
Ritstjórin hevur ábyrgdina av yrkisligari og málsligari viðgerð av handritinum og sniðgeving, myndprýðing, umbróting og prenting av bókini.
Í samstarvi við KT-toymið verður útgávan og ískoytistilfarið til útgávuna lagt út á ein hóskandi talgildan pall.
Tá ið tilfarið er roynt eina tíð úti á skúlunum, verður útgávan endurskoðað og neyðugar broytingar gjørdar til endurútgávu.
Les meira um útgávurnar hjá Námi:
Útgávumannagongd
Talgildar útgávur
Snar og Nám - heimasíðurnar