Lánitreytir

Skúlar, barnagarðar, frítíðarskúlar og líknandi stovnar innan undirvísing og ansing kunnu lána úr savninum hjá Námi. Tað er ókeypis at lána tilfar.

Kunningartilfar og handbøkur kunnu lánast í fýra vikur.

Filmar kunnu lánast í tvær vikur.

Flokssett og ljóðbøkur kunnu lánast í seks vikur.

Møguleiki er at leingja lánitíðina, um tilfarið ikki er umbiðið av øðrum lánara.

Tilfar, sum fær skaða ella verður burtur, kemur undir reglurnar viðvíkjandi endurgjaldi. Skúlin ella stovnurin, sum lánarin er knýttur at, ber endurgjaldsskylduna.

Endurgjaldið verður kravt soleiðis:

Føroysk og donsk flokssett, bøkur úr kunningarsavninum, føroyskt frílesing  200 kr.

Ljóðbøkur                                                                                                                       300 kr.

Ensk flokssett, ensk frílesing, donsk frílesing                                                          100 kr.

Læraraleiðbeiningar                                                                                                      700 kr.

Filmar, fløgur                                                                                                                 100 kr.

”Haldið tíðarfreistina – næsti lánari er ein starvsfelagi”