Skip to main content

Skrivstovulærlingur til Nám/Próvstovuna

28.05.2024

Skrivstovuútbúgving – nakað fyri teg?

Nám søkir eftir lærlingi til skrivstovuútbúgving við sergrein innan fyrisiting til setanar 1. september 2024.

Hjá okkum lærir tú at veita viðskiftafólkum góða tænastu, eins og tú lærir góðan fyrisitingarsið og aðrar fyrisitingarligar partar, ið hava við skrivstovuútbúgvingina at gera. Tú verður partur av fyrisitingini í Námi og Próvstovuni, og tú fert at arbeiða við fleiri ymiskum fyrisitingarskipanum.

Starvið

Lærumálini (uppgávurnar) eru m.a.:

  • at svara fyrispurningum frá viðskiftafólkum
  • at røkja móttøkuna í Námi/Próvstovuni
  • at arbeiða við tekniskum skipanum, so sum Skjalhaldi, Búskaparskipan Landsins og WISEflow
  • at fyriskipa fundir og skriva fundarfrágreiðingar
  • at fyrireika og avgreiða útlán frá bókasavninum.

Til ber at lesa meira um útbúgvingina á heimasíðuni hjá Yrkisdeplinum.

Førleikakrøv

Vit vænta, at tú:

  • dámar at tosa við og dugir væl at fara við fólki
  • trívist við, at nógv ymiskt er at gera
  • hevur góð samstarvsevni og dugir at arbeiða bæði sjálvstøðugt og saman við øðrum
  • ert røkin og nærløgd/-lagdur
  • kanst orða teg skjótt og greitt í skrift og talu á góðum føroyskum máli
  • hevur royndir við at arbeiða við teldu.

Umsøkjarar skulu í minsta lagi hava lokið 9. flokk í fólkaskúlanum. Umsøkjarar við gymnasialum miðnámsprógvi hava tó fyrimun.

Lønar- og setanarviðurskifti

Starvið verður sett sambært sáttmála millum Fíggjarmálaráðið og Starvsfelagið. Lærlingur fær løn í skúlatíðini.

Vit bjóða

Eitt fjølbroytt starv við nógvum skiftandi uppgávum og samskifti bæði innanhýsis og úteftir, har tú ert við til at mynda stovnin. Nám er í menning, og sum skrivstovufólk verður tú við til at seta tín dám á hesa menning.

Umsóknir og samband

Nærri fæst at vita um starvið við at venda sær til Eyðun Gaard, stjóra í Námi, á tel. 555150 ella við telduposti á eydun@nam.fo.

Umsókn saman við avriti av prógvum, C.V. og møguligum ummælum skal vera okkum í hendi í seinasta lagi sunnudagin 16. juni 2024. Umsóknin skal sendast við telduposti til Eyðun Gaard, stjóra, á eydun@nam.fo.


Nám er stovnur undir Barna- og útbúgvingarmálaráðnum, sum veitir tænastur og undirvísingarmiðlar til skúlaverkið. Høvuðsvirkisøkini eru at útvega fjølbroyttar undirvísingarmiðlar - prentað og talgilt tilfar, undirvísingarportalin Snar, fakliga og undirvísingarliga ráðgeving, skeiðsvirksemi, miðlasavn, útlán og skeið. Í Námi eru 29 starvsfólk. Próvstovan er partur av Námi, og har arbeiða 7 fólk.

Onnur tíðindi

13.06.2024

Vinningurin er 30.000 kr.

Les meira
11.06.2024

Skeiðstilmeldingin er latin upp.

Les meira
30.05.2024

Námsætlanin í kravda undirvísingarevninum…

Les meira
28.05.2024

Nám sóknast eftir dugnaligum og ágrýtnum ritstjóra…

Les meira
28.05.2024

Vit leita eftir einum starvsfólki við viðkomandi…

Les meira
28.05.2024

Skrivstovuútbúgving – nakað fyri teg?

Les meira
07.05.2024

Námsætlanin í tilfeingisfrøði er dagførd og fevnir…

Les meira
24.04.2024

Upp- og afturlatingartíðir

Les meira
Mynd av drongi, ið hyggur at grafum
17.04.2024

Hesa vikuna eru allir næmingar í 4. og 6. flokki…

Les meira
08.04.2024

Námsætlan í kravda undirvísingarevninum…

Les meira