Nám søkir ritstjóra og samskipara

Vilt tú vera við í útgávuvirkseminum í Námi og samskipa Føroyar lesa?

Aðalmálið hjá Námi er at savna og slóða fyri, so at borgarin hevur bestu fortreytir at læra og mennast. Nám skapar og veitir dygdartænastur at fremja læring og menning.

Nám sóknast eftir dugnaligum og ágrýtnum ritstjóra og samskipara frá 1. februar 2021 ella skjótast gjørligt. Talan er um tíðaravmarkað fulltíðarstarv fram til 31. juli 2024. Møguleiki er tó at leingja setanina við tveimum árum til 31. juli 2026.

Nám er stovnur undir Mentamálaráðnum. Nám veitir skúlaverkinum ymsar tænastur sum útlán av skúlatilfari, skeið, Snar, talgildar tænastur, námsfrøðiliga ráðgeving og gevur út undirvísingartilfar. Eisini er Próvstovan partur av Námi.

Talan er um fjølbroytt og áhugavert starv í Námi við møguleikum fyri fakligari og persónligari menning, har uppgávan serliga verður at ritstjórna útgávuheild til lærugreinir í fólkaskúla og miðnámi. Harumframt skal viðkomandi samskipa tiltakið Føroyar lesa, tað umfatar umleið ¼ av starvinum.

Arbeiðsøkið fevnir um bæði á pappíri og talgilt at:

• ritstjórna undirvísingartilfar
• finna viðkomandi føroyskt tilfar til útgávuheildina
• rættlesa
• samskifta við onnur starvsfólk um arbeiðið við tilfarinum
• vera við til at menna undirvísingartilfar
• vera við í skeiðsvirkseminum í Námi
• samskipa tiltakið Føroyar lesa
• røkja aðrar viðkomandi uppgávur, ið hoyra til arbeiðsøkið hjá Námi

Vit leita eftir einum persóni, ið hevur:

• útbúgving frá hægri lærustovni, læraraútbúgving ella líknandi
• góðan kunnleika til námsætlanir og skúlaverkið sum heild
• góðan telduførleika
• góðan málførleika – serliga í føroyskum, men eisini skandinaviskum og enskum
• góð samstarvsevni og førleika at arbeiða sjálvstøðugt

Setanarviðurskifti

Vit bjóða eitt sera spennandi og avbjóðandi starv við bundnum uppgávum, ið skulu avgreiðast innan settar tíðar- og fakkarmar. Starvið verður sett sambært sáttmála millum Fíggjarmálaráðið og avvarðandi fakfelag.

Umsóknir og samband

Nærri fæst at vita um starvið við at venda sær til Sigfríð Sólsker, deildarleiðara í Námi, á

tel. 555 171 ella telduposti sigfridur@nam.fo. Umsókn saman við avriti av prógvum, CV og møguligum ummælum skal vera okkum í hendi í seinasta lagi mánadagin tann 17. januar 2021 og skal sendast við telduposti til Eyðun Gaard, stjóra, á eydun@nam.fo.