Ársins Vitanarfróðu 2019/20

Granskingarráðið og Nám skipa fyri kappingini "Ársins Vitanarfróðu 2019/20". Vit bjóða øllum næmingum í miðdeild og hádeild at vera við í granskarakappingini og freistin at senda tilfar inn til kappingina er 28. februar 2020. 

Soleiðis gera tit 

Tit mugu arbeiða saman sum flokkur ella í minsta lagi 5 næmingar. Tit kunnu granska okkurt, sum undrar tykkum. Nýtið arbeiðsháttin hjá Vitanarfróða og Vitanarfróðu. Skrivið eina frágreiðing um tykkara gransking og sendið okkum hana.

Tit kunnu granska tað, tit hava hug til og í øllum lærugreinum. 

Vinningar

Flokkurin, sum vinnur kappingina, fær 5000 kr. í virðisløn umframt heiðurin at nevna seg Ársins Vitanarfróðu. Flokkurin sleppur eisini ein túr í náttúruna saman við tveimum granskarum at síggja okkurt forvitnisligt.

Harafturat verður ein lærari hjá vinnandi flokkinum boðin við á Nysgjerrigper-konferansen 2020 í Oslo saman við einum umboði úr Námi. Nám rindar fyri ferðina og vistarhald. 

Les meira á www.gransking.fo/fo/tilfeingi/arsins-vitanarfrodu/

Á myndini: 5. flokkur í Sandsskúla varð kosing Ársins Vitanarfróðu 2019