Útgávumannagongd

 

Allar útgávur hjá Námi eru ætlaðar undirvísingarverkinum.

Útgávurnar eru skipaðar sum heildir og fevna vanliga um grundbók, arbeiðsbók, læraravegleiðing og annað ískoyitstilfar. Umframt hetta er talgilt tilfar á Snar.
Grundsjónarmiðið er, at samlaða tilfarið skal røkka alt virkisøkið í lærugreinini og tryggja, at náms- og lesiætlanir eru fylgdar og øll krøv eru lokin.

Tá ein bókaheild verður sett í verk kanna leiðarin í bókatoyminum, ritstjórin og fakráðgevar námsætlanina og fáa til vega nýggjastu útgávur í lærugreinini úr grannalondum okkara.

Hugaroksfundur er fyri lærarar, ið hava undirvíst í lærugreinini í fleiri ár, og sum flest allir eisini hava lærugreinina sum linjufak.

Síðani fær ritstjórin endaligu ábyrgdina av útgávuni og í samráð við toymisleiðaran verður rithøvundur ella týðari settur at skriva tilfarið. Somuleiðis verður ein stuðulsbólkur av lærarum settur at viðgera, og í so stóran mun sum gjørligt royna tilfarið úti á skúlunum.

Ritstjórin hevur ábyrgdina av yrkisligari og málsligari viðgerð av handritinum og sniðgeving, myndprýðing, umbróting og prenting av bókini.

Í samstarvi  við Snartoymið verður útgávan og ískoytistilfar til útgávuna lagt út á Snar.

Tá ið tilfarið er roynt eina tíð úti á skúlunum, verður útgávan endurskoðað og neyðugar broytingar gjørdar til endurútgávu.

Hoyvíksvegur 72
FO-100 Tórshavn
Tel +298 755150
nam@(if you can see this please update your browser)nam.fo

mán.-hós.        10-16
frí.                    10-12

Starvsfólk