Nám hevur savn við nýggjum undirvísingartilfari, sum verður sýnt fram á 300 fermetrum á Hoyvíksvegi 72. Savnið fevnir um føroyskt og útlendskt tilfar, sum er til kunningar, til útlán og til íblástur.

Í útláninum eru flokssett, filmar, ljóðbøkur, lesiskeið og evnis- og lesikassar. Úr fjølbroytta savninum hava lærarar og skúlar møguleika at lána ískoytistilfar til undirvísingina.

Flokssettini eru fagurbókmentir á føroyskum, donskum, enskum og týskum. Eisini eru flokssett við føroyskum yrkisbókmentum. Filmarnir eru eitt úrval av spælifilmum og yrkisfilmum. Tær allarflestu ljóðbøkurnar, sum verða útgivnar í Føroyum, fáast til láns hjá Námi.

Til ber eisini at lána evnis- og lesikassar við tilfari um ávís evni so sum um søguligar persónar, fremmand lond og djór. Eisini eru lesikassar við fagurbókmentum skipaðir í floks- ella torleikastig at nýta til frílesing ella til lesiátak í skúlanum.

Harumframt eru fakligar handbøkur um námsfrøði og sálarfrøði til útláns og eitt úrval av nýggjum undirvísingartilfari, sum lærarin kann kunna seg við.

Hoyvíksvegur 72
FO-100 Tórshavn
Tel +298 755150
nam@(if you can see this please update your browser)nam.fo

mán.-hós.        10-16
frí.                    10-12

Starvsfólk